Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.

Dje pas përfundimit të dëshmisë nga Steven Russell, ZPS-ja thirri dëshmitarin e radhës. Ai është dëshmitari i mbrojtur Ë03871 i cili, sipas përmbledhjes së paraqitur në gjykatë nga ZPS-ja, iu bashkua UÇK-së rreth marsit 1998, shërbeu në shumë vende duke ofruar trajnime për ushtarët e UÇK-së dhe vepronte si komandant.

Procesi gjyqësor në rastin gjyqësor ‘Thaçi dhe të tjerët”, do të përfundojë sot për këtë javë, për të vazhduar të hënën më 26 gusht.

Për muajin gusht Specialja ka paraparë të mbajë shtatë seanca në rastin gjyqësor ‘Thaçi dhe të tjerët’.