×
  • Lajme
  • Lajme

    Vdekja e profesorit Beqaj, kolegu i tij tregon porosinë e fundit që i la

    Reporteri
    25 Shtator 2022 | 10:22

    Sot vdiq analisti dhe profesori i njohur, Belul Beqaj.

    Mbi vdekjen e tij njoftuan familjarët, të cilët bënë me dije se varrimi do të bëhet në ora 13:00.

    Ndërkohë, bisedën e fundit të Beqajt, përmes Viber-it, e bëri publike kolegu i tij i punës, profesori Ferid Selimi.

    Selimi shkroi me dhimbje për vdekjen e Belul Beqajt, duke thënë se bisedën e fundit e bënë mbrëmë, kur Beqaj i shkruajti për t’i mbajtur provimin e lëndës.

    Ai shtoi se Beqaj ishte në gjendje të përkeqësuar shëndetësore.

    “Për shkak të përkeqësimit të gjendjes së tij shëndetësore, më shkroi e më luti që ta menaxhoja provimin e lëndës së tij… Ngushëllime familjes Beluli e ngushëllime komunitetit arsimor e shkencor të Kosovës” shkroi Selimi në facebook.

    Ndërkohë, nga familja e Belul Beqajt akoma nuk kanë deklaruar se me ç’sëmundje po përballej analisti i njohur.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!