Pesë persona kanë vdekur në 24 orët e fundit nga coronavirusi, kurse 437 raste të reja janë shënuar.

Institui Kombëtar i Shëndetit Publik bën të ditur se në mesin e pesë personave të vdekur është edhe një person 30-vjeçar nga qyteti i Obiliqit.

Kurse katër personat tjerë që kanë vdekur janë nga Deçani (62 vjeç), Podujeva (76 vjeç), Prishtina (82 vjeç) dhe Prizren (77 vjeç), shkruan Reporteri.net.

IKSHP ndërkaq bën të ditur se gjatë 24 orëve të fundit, janë shëruar 255 pacientë derisa numri i përgjithshëm i të shëruarve deri më sot është gjithsej 59.174 raste, kurse numri i rasteve aktive është 7.145.