Në fshatin Bresje të Fushë Kosovës më 21 tetor 2022 në orët e para të mëngjesit ka vdekur një fëmijë i moshës pesë vjeçare. Lajmin e ka bërë të ditur Policia e Kosovës përmes një komunikate për media.

Fëmija ka vdekur në shtëpi derisa po cilësohet si vdekje e dyshimtë meqë ende s’dihet shkaku i vdekjes.

Trupi me vendim të prokurorit është dërguar në Institutin Mjeko Ligjor për obduksion.

“Rr.Bedri Pejani, Bresje 21.10.2022 – 05:20. Është raportuar se viktima mashkull kosovar (fëmijë 5 vjeçar) ka ndërruar jetë në shtëpi. Nuk dihet shkaku i vdekjes, me vendim të prokurorit, trupi i pajetë është dërguar në IML për obduksion”, thuhet në njoftimin e PK-së.