Ish-anëtari i Kryesisë së LDK-së, Agim Veliu, ka qëndruar sot në Gjermani, ku thotë se në cilësinë e kryetarit të Degës së LDK-së në Podujevë, është takuar me Burghardt Fülling – kryetar i CDU-së për qytetin e Velbertit, me të cilin ka biseduar për thellimin e bashkëpunimit.

Në një postim në Facebook, Veliu ka thënë se gjatë këtij takimi kanë nënshkruar edhe një marrëveshje partneriteti për shkëmbimin e informacioneve dhe bashkëpunimit në shumë fusha, shkruan Gazeta Online Reporteri.net.

“Gjatë takimit me z.Fûlling biseduam për format e bashkëpunimit dhe nënshkruam edhe një marrëveshje partneriteti për promovimin e mundësive, shkëmbimin e informacioneve dhe bashkëpunimit në shumë fusha, në mënyrë që të konsolidohet e thellohet marrëveshja mes dy subjekteve tona politike. U zotuam se do të angazhohemi të krijojmë lidhje dhe takime midis anëtarëve tanë aktivë dhe nënorganizatave dhe t’i mbështesim sa më shumë që të jetë e mundur”, ka shkruar Veliu në Facebook.