Vetëm 9 vota në fshatin e tij të lindjes, Milaim Zeka: Jam krenar për to

Ish-deputeti i Kuvendit të Kosovës, Milaim Zeka në këto zgjedhje vendosi që të kandidojë me partinë e tij, Partia Euroatlantike e Kosovës.


Edhe pse doli keq në këto zgjedhje, Zeka u shpreh se është i kënaqur me nëntë votat që mori në fshatin e tij, Abri e Epërme.

Madje ai tha se nuk ka mbajtur fare fushatë dhe se gjithsej njerëz që ka takuar gjatë kësaj kohe ishin 50.

“Jam krenar me ato 9 vota edhe nëse s’kisha marr asnjë jam krenar se askënd nuk e kam rrejt dhe askujt si kam thënë votom. Dilsha i thujsha o veç qeta mos i votoni a mendoni se gjendja është e rëndë në Kosovë, votoni për ndryshimin”, tha Zeka në T7.

Tutje ai shtoi se nuk ka bërë fushatë dhe se s’ka realizuar tubime zgjedhore.

“Kam taku maksimumi 50 njerëz në total, një takim në Gjilan 40 vetë, në firmën Meka një me 5-6 vetë dhe në fshat temin kam taku njo 10 vetë”, tha ai.