Ka përfunduar takimi ndërmjet Albin Kurtit dhe Isa Mustafës pa marrëveshje zyrtare për koalicion bashkëqeverisës.
Menjëherë pas takimit me qëndrim ka dalë LDK-ja, poashtu edhe Lëvizja Vetëvendosje.
Edhe VV-ja njofton se Kurit e Mustafa do t’i shpeshtojnë takimet deri në arritjen e marrëveshjes.
“Kryetari Kurti u takua sot në Kuvendin e Kosovës me kryetarin Mustafa. Ata do t’i vazhdojnë dhe intensifikojnë takimet pothuajse për çdo ditë deri në arritjen e marrëveshjes”, njofton VV-ja.
Nga ana tjetër, Gazeta Online “Reporteri.net”, me burime ka mësuar se tashmë VV e LDK janë marrë vesh për ndarjen e Ministrive.
VV-ja ka hequr dorë nga Ministria e Punëve të Brendshme, pozitë e cila marrëveshja do të parasheh t’i takojë LDK-së. Derisa, Ministria e Jashtme do t’i takojë partisë së Albin Kurtit, shkruan Reporteri.net.
Çështja e padefinuar mes këtyre dy partive mbetet posti i presidentit që LDK-ja insiston ta marrë me marrëveshje politike.
Ndërkohë, pak para nisjes së takimit Kurti-Mustafa, Presidenti i vendit Hashim Thaçi ka njoftuar se e ka thirrur seancën konstituive të Kuvendit të Kosovës për datën 24 dhjetor 2019. /Reporteri.net/.