Vetëvendosje dorëzon në Kushtetuese komentet lidhur me dekretin e Thaçit

Lëvizja Vetëvendosje sapo ka dorëzuar në Gjykatën Kushtetuese komentet rreth dekretit të Presidentit Hashim Thaçi për të mandatuar Avdullah Hotin e LDK-së për kryeministër.


Nagavci ka thënë se shkeljet e Thaçit janë të shumëfishta duke shtuar kështu se argumentet jurdikie janë në anën e VV-së.

“Shkeljet e Presidentit janë të shumëfishta dhe të renda. Besojmë se të gjitha argumentet juridike janë në anë tonë. Presidenti duhet të ishte person unifikues por ai ka tejkaluar kompetencat e tij. Presidenti ka konstatuar se VV ka heq dorë nga e drejta e saj për të mandatuar kandidatin për kryeministër ndonëse ne nuk kemi bërë refuzim të tillë”, ka thënë dorëzuesja e komenteve, deputetja Arbërie Nagavci.

Tutje Nagavci ka thënë se presin që Gjykata Kushtetuese sa më shpejt të marrë vendim që është në favor të kërkesës së LVV dhe me një vendim të konstatoj se Presidenti ka tejkaluar kompetencat e tij.