Viti 2019: Momenti kur qytetari i Fushë Kosovës e merr vesh se nuk ka më nevojë për bidonë për ujë

Tash e 20 vjet, banorët e një pjese të madhe të Fushë Kosovës vazhdojnë të përballen me mungesë të ujit të pijshëm.


Qytetarët vazhdimisht janë shprehur se  është e papranueshme që në shekullin 21, të ketë probleme të tilla që prekin nevojat elementare për jetë, shkruan Reporteri.net.

Mirëpo, gjatë kësaj jave në Kompaninë e Ujësjellësit Rajonal “Prishtina” kanë thënë se problemi me ujin e pijes për banorët e Fushë Kosovës, përfundimisht do të zgjidhet.

Kjo kompani ka bërë sot testimin e linjës së ujit në Fushë Kosovë. Ekipe të shumta tashmë janë në terren dhe po testojnë furnizimin me ujë.

E në një komunikatë të lëshuar nga Kompania e Ujësjellësit Rajonal “Prishtina”  pasqyrohet “gëzimi” i madh i një qytetari kur e kupton se nuk ka më nevojë për bidonë në mënyrë që të furnizohet me ujë të pijshëm.

Në komunikatë thuhet se kur mori vesh lajmin, qytetari u gëzua pa masë dhe u kthye në shtëpi. /Reporteri.net

Sapo takuam një konsumatorë të Fushë Kosovës, duke shkuar të mbushë bidonët me ujë, por kur kuptoi se ne sapo e lëshuam linjën magjistrale, ai u gëzua pa masë dhe u kthye i lumtur në shtëpinë e tij!

Gepostet von Kompania Rajonale e Ujësjellësit "Prishtina" sh.a am Freitag, 21. Juni 2019