Gabriel Escobar, i dërguari i Presidentit Joe Biden për Ballkanin Perëndimor, në një intervistë ekskluzive për Gazetën Online Reporteri.net ka thënë se nuk ka dijeni nëse Kryeministri i Kosovës, Albin Kurti do të zhvillojë ndonjë vizitë zyrtare në SHBA.

“Kosova mbetet partnere e besueshme dhe mirëpresim forcimin e lidhjeve tona bilaterale, por tani për tani nuk kam ndonjë informatë më specifike rreth vizitave potenciale të ardhshme”, tha Escobar në intervistën për Reporteri.net, e para për një medium në Kosovë.

Gabriel Escobar për Reporteri: ‘Status quo’ në Dialog po e boshatisë Kosovën, njerëzit po ikin – Asociacioni nuk e cenon sovranitetin

Lexo edhe:

511 gjoba në 24 orët e fundit në Prishtinë

DASH thirrje autoriteteve serbe për transparencë: Arrestimi i policëve të Kosovës përshkallëzon situatën

Çështja e dinarit, Bislimi: Takim i kotë, pa rezultat – Serbia s’është e interesuar të bëjë zgjidhje për qytetarët serbë

Në këtë intervistë ekskluzive, ai foli edhe për Asociacionin e Komunave me shumicë serbe që sipas tij nuk e cenojnë sovranitetin e Kosovës.

Zëvendësndihmës-Sekretari amerikan të Shtetit për Evropën dhe Euroazinë, thotë se çdo marrëveshje përfundimtare që do të jetë e pranueshme nga populli i Kosovës dhe nga ai i Serbisë do të jetë e pranueshme edhe për SHBA-në.

Ndryshe, ish-kryeministri Kurti para disa muajsh kishte deklaruar se shumë shpejtë do të udhëtojë për vizatë zyrtare në SHBA, gjë që nuk ka ndodhur deri më tash.