Raportuesja për Kosovën në Parlamentin Evropian, Viola von Cramon, tha se hijet e nacionalizmit vazhdojnë ta pengojnë bashkëpunimin në Ballkanin Perëndimor.
Nëpërmjet një postimi në llogarinë e saj në Twitter, ajo tha se anëtarët e PE-së dhe Bundestagut i kanë dërguar një letër Kancelares gjermane, Angela Merkel për t’u siguruar se procesi i Berlinit përfshin pajtimin dhe përparimin e vërtetë.
“Sot Këshilli i Punëve të Jashtme i BE-së diskuton për Ballkanin Perëndimor. Hijet e nacionalizimit vazhdojnë ta pengojnë bashkëpunimin, nuk mund të ecim përpara pa pajtim, drejtësi dhe respekt të ndërsjellë. Ne i kemi dërguar letër kancelares gjermane Angela Merkel nga Parlamenti Evropian dhe Bundestagu për t’u siguruar që Procesi i Berlinit të përfshijë pajtimin dhe synim të ketë përparimin e vërtetë”, shkroi ajo.
2/2 We sent a letter to Chancellor Merkel together with colleagues from @Europarl_DE #Bundestag to make sure #Berlinprocess also includes reconciliation and aims at real progress pic.twitter.com/3y2Atx2eUw
— Viola von Cramon 🇺🇦🇪🇺 (@ViolavonCramon) May 10, 2021