Në kohën kur LDK e VV po negociojnë ashpër për postin e kryeparlamentarit, njeriu që u zgjodh në këtë post po e “shijon”
Kryetari i Kuvendit të Kosovës, Glauk Konjufca, mori pjesë sot në Samitin për Ballkanin Perëndimor i cili u zhvillua në Bruksel.
Konjufca qe sot pjesë e Samitit të kryetarëve të parlamenteve të vendeve të Ballkanit Perëndimor dhe Parlamentit Europian.
Ky Samit u organizua nga Presidenti i Parlamentit Europian David Maria Sassoli.
Aty u diskutua lidhur me perspektivën europiane të Ballkanit Perëndimor, përkatësisht përforcimin e dimensionit parlamentar në procesin e zgjerimit.
Vlen të theksohet se kryeparlamentari po mban VV-në e LDK-në pa marrëveshje, pasi LDK po kërkon këtë post, ndërkohë që VV nuk po pranon shkarkimin e Konjufcës, shkruan Reporteri.net.