VV-ja bëhet gati ta rrëzojë Qeverinë, kërkon votat e PDK-së

Lëvizja Vetëvendosje ka njoftuar se ka nisur mbledhjen e nënshkrimeve për mocionin për rrëzimin e Qeverisë, shkruan Reporteri.


Shefi i Grupit Parlamentar të VV-së, Rexhep Selimi ka thënë se i ka ftuar kryetarët e grupeve parlamentare të partive opozitare dhe disa partive të tjera, të cilat sipas tij kanë shprehur gatishmërinë  për rrëzimin e Qeverisë që ta përkrahin këtë mocion.

Selimi ka thënë se presin që të sigurojnë edhe votat e PDK-së për këtë mocion, ngase sipas tij retorika e deritashme e kësaj partie ka qenë që kjo qeveri të shkojë.

“Nga sot grupi Parlamentar i VV-së nisë mbledhjen e nënshkrimeve për mocionin për rrëzimin e qeverisë. Ftoj të gjithë kryetarët e grupeve parlamentare që ta mbështesin këtë mocion. PDK është subjekt opozitar, në retorikën e tyre kemi parë se ata kanë qasje konkrete ndaj qeverisë aktuale, ne presim që ata ti mbajnë fjalët e tyre dhe të bëjnë veprime konkrete”, u shpreh ai. /Reporteri.net