Në ambientet e Departmentit Amerikan të Mbrojtjes në Pentagon është bërë sot zbulimi i monumentit i cili i dedikohet ndërhyrjes ushtarake të NATO-s në Kosovë në vitin 1999 ndaj forcave serbe.

Kështu ka bërë të ditur Vlora Çitaku, ambasadore e Kosovës në SHBA përmes një postimi në Facebook me ç’rast ka publikuar edhe disa foto nga kjo ngjarje, shkruan Reporteri.net.

“Me komandantin e Forcave Ajrore Amerikane, Gjeneralin Goldfein, në ambientet e Departmentit Amerikan të Mbrojtjes (Pentagon) zbuluam monumentin i cili i dedikohet ndërhyrjes ushtarake të NATO-s në Kosovë. Gjenerali Goldfein edhe personalisht ka qenë pjesëmarrës në fushatën ajrore kundër caqeve të regjimit të Milosevicit. Me 2 Maj ‘99 aeroplani ushtarak me të cilin po fluturonte Gjenerali Goldfein ishte goditur nga forcat serbe. Fatmirësisht, pas një operacioni të shpëtimit, Gjenerali Goldfein ishte kthyer shëndosh e mirë në bazën ajrore të NATO në Itali”, shkruan Çitaku.

Kujtojmë se më 24 mars të vitit 199 në orën 19:45, aeroplanët e NATO-s lëshuan bombat e para kundër pozicioneve strategjike të ushtrisë së ish Jugosllavisë. /Reporteri.net/.