Zëdhënësja e Lidhjes Demokratike të Kosovës, Sibel Halimi i është kundërpërgjigjur kritikave të zyrtarit të AAK-së, Selim Selimi i cili një debat televiziv ka kritikuar qasjen e Lumir Abdixhikut dhe dështimin e tij që të bëj bashkë opozitën.
Ai kritikoi Abdixhikun për rolin e tij në zgjedhjen e Presidentes dhe shtoi se Kurti është kryetar edhe i LDK-së, për faj të kryetarit të kësaj të fundit.
E Halimi tha se AAK më shumë po merret me LDK-në sesa me dështimin e Qeverisë Kurti në menaxhimin e pandemisë, shkruan Reporteri.net.
“Më shumë merreni me LDK-në sesa me partinë në pushtet. Nuk është hera e parë që z.Selimi merret me kryetarin Abdixhiku mirëpo ne nuk duhet ta harrojmë rrethanat në të cilat kaluam dhe qasja konstruktive e LDK-së e shpëtoi vendin edhe nga zgjehdjet. LDK tregoi një qasje konstruktive edhe lidhur me presidenten. Nuk është e vërtetë ao cka thuhet. Si kurrë më parë LDK ka qenë aktive dhe në kritikë ndaj presidentes Osmani kur ka vlerësuar se nuk po e luan rolin e saj”, tha Halimi në Politiko të Kanal 10.
Ajo ka thënë se kritikat ndaj Abdixhikut janë të padrejta.
“Në vetëm kemi bërë një hap tutje për t’i ruajtur institucionet. Është e padrejtë ku kritika duhet t’i drejtohej kryeministrit Kurti. Ne kemi treguar konstruktivitet në situatat e jashtëzakonshme që vendi është përballur. Ne kemi rekomanduar që fushata të jetë 5 ditë, por ja arritëm që zgjedhjet të mos shtyhen”, tha Halimi.