Ministri i Shëndetësisë në Qeverinë e Kosovës, Armend Zemaj, pret sot në takim zëvendësministrin e Shëndetësisë në Maqedoninë Veriore, Ilir Hasani.

Burime të Gazetës Express bëjnë të ditur se temat që do të diskutohen janë në interes të dy vendeve, madje do të bisedohet edhe për heqjen e testeve PCR mes dy vendeve.

“Temat do të jenë interes i dy vendeve, do të diskutohet për testet dhe situatën epidemiologjike”, tha ky burim.

Gazeta Express ka kontaktuar edhe me zëvendësministrin e Shëndetësisë në Maqedoninë Veriore, Ilir Hasanin, por ai ende nuk e ka konfirmuar takimin.