×
  • Lajme
  • Lajme

    Zëvendësministri në dorëheqje: T’ia pranojmë Haradinajt punët e mëdha

    Reporteri
    14 Gusht 2019 | 11:23

    Zëvendësministri në dorëheqje i Mbrojtjes, Burim Ramadani, në një postim në Facebook ka shkruar se duhet t’i pranohet Ramush Haradinajt punët që i ka kryer.


    Ai ka numëruar disa nga vendimet e Qeverisë Haradinaj, për të cilat thotë se tani vetëm duhet të mirëmbahen.

    Ramadani i është kundërpërgjigjur PDK-së e LDK-së, të cilave u ka kërkuar të ia pranojnë punët e Haradinajt.

    Më poshtë mund ta lexoni postimin e tij të plotë, pa ndërhyrje:

    Ramushit pranojani punët që i ka kryer! Mos u ndjeni keq ta pranoni të vërtetën!

    Ky ka qenë vetëm fillimi.

    Po lexoj që PDK-ja ka thënë se “Qeveria nuk e ka përmbushur misionin”, ndërsa LDK-ja që “është qeverisur në bazë të odave”.

    Relaks në këtë fushatë njerëz të mirë.

    Ramushit pranojani punët që i ka kryer!

    Nuk kontestohet e vërteta.

    Ky ka qenë vetëm fillimi i punëve të mëdha të Ramush Haradinajt!

    Qeveria Haradinaj ka hyrë në historinë e shtetit të Kosovës me: 1) Ushtrinë,

    2) Pozicionin e fortë sovran përballë Serbisë,

    3) Ndaljen e ideve territoriale dhe ‘Dodik Republikës’,

    4) Ligjin e Prishtinës, të Pagave, rikthimin e Pallatit të Rinisë për Prishtinën, pronat për komunat, sigurinë energjetike, ‘Trepça’ e Kosovës plotësisht, etj.

    A mund t’i bëni sërish këto? S’ka më nevojë.

    Vetëm duhet të mirëmbahen vendimet e Qeverisë Haradinaj në këto tema.

    Tjerat po vijnë!

    Kemi shumë për të thënë.

    Hajde po e kryqëzojmë për të metat, por bile t’ia pranojmë punët e mëdha. A bën kështu?

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!