Ardian Gjini viziton shoqatën ‘Bereqeti’, premton ndihmë për veprimtarinë e tyre humanitare

Kandidati nga radhët e AAK-së për kryetar të Gjakovës, Ardian Gjini po vazhdon fushatën e tij pë zgjedhjet lokale të 17 tetorit.


Gjatë ditës së sotme, Gjini ka vizituar shoqatën “Bereqeti” në Gjakovë, transmeton Gazeta Online Reporteri.net.

Përmes një shkrimi në Facebook, ai ka bërë të ditur se ka takuar koordinatorin e kësaj organizate, derisa e ka falënderuar për punën e madhe që bëjnë për ata qytetarë në nevojë.

Postimi i plotë:

Solidariteti është një prej virtyteve më të mira të njeriut. Secili prej nesh, të paktën një herë në jetë, kemi pasur nevojë që dikush të jetë solidar me ne. Njerëz solidarë, me zemër të madhe e mendje të pastër, janë mbledhur në shoqatën “Bereqeti” dhe merren me bamirësi.

? Koordinatorin e “Bereqeti”-t në Gjakovë, Abdurrahman Bejtullahun, e falënderova për punën e madhe që po e bën ai dhe organizata që e drejton për qytetarët që kanë nevojë për një krah ku të mbështeten. E sigurova që Komuna e Gjakovës do të jetë përkrahëse e përhershme e veprimtarisë humane të organizatës, ashtu siç ka qenë deri sot.

? Bashkë, në të mirë e në të keq. Askush s’do të mbetet prapa!