Nga një trafo elektrike në objektin e ri të Komunës së Prishtinës ka shpërthyer zjarr, pasditen e së enjtes.

Nga zjarri nuk raportohet sa ka pasur të lënduar, ndërsa punëtorët dhe personat e gjendur brenda komunës janë evakuuar.

Zjarri është shuar pak më pas nga ekipi i zjarrfikësve.

“Me qëllim të evitimit të rrezikut nga ndonjë zjarr i ri, punëtorët komunal si dhe qytetarët janë evakuuar me kohë, ndërsa puna është ndërprerë në objekt për ditën e sotme. Shkaqet e zjarrit janë duke u hetuar”, ka njoftuar Komuna e Prishtinës.