Policia e Kosovës ka njoftuar për një zjarr që ka përfshirë barakat në Lagjen e Spitalit në Prishtinë.

Rastin e ka konfirmuar për Gazetën Online Reporteri.net zëdhënësi i policisë për rajonin e Prishtinës, Agron Borovci.

“Rreth orës 15:45, është pranuar informata për një zjarr në rrugën “Holger Petersen” në Prishtinë. Policia menjëherë ka dalë në vendin e ngjarjes dhe ka ftuar edhe zjarrfikësit me qëllim të lokalizimit të zjarrit”, tha Borovci.

Zëdhënësi i policisë ka bërë të ditur se nga ky zjarr nuk ka persona të lënduar.

“Aktualisht nuk raportohet për të lënduar përveç dëmeve materiale”, përfundoi Borovci./Reporteri.net/