Shefi i kabinetit të Ministrit në detyrë të Punëve të Jashtme, Glauk Konjufcës, Kreshnik Ahmeti ka njoftuar se shteti i Serbisë është duke vazhduar bllokimin e kamionëve tregtar që vijnë nga Kosova.
Ahmeti ka publikuar një fotografi ku thotë përveç kamionëve me origjinë nga Kosova po bllokohen nga Serbia edhe kamionët me origjinë nga vendet e tjera, por që shfrytëzojnë Republikën tonë si rrugë tranzit.
“Në fotografi, e cila është realizuar sot, shihet një kamion nga Republika Çeke i cili kthehet prapa nga autoritetet e Serbisë, përderisa tenton të hyjë në territorin e tyre nëpërmjet Republikës së Kosovës.
Bllokimet e tilla janë shkeljet e marrëveshjeve rajonale, pjesë të të cilave jemi i gjithë rajoni si të barabartë”, ka shkruar ai. /Reporteri.net
https://www.facebook.com/kreshnik.ahmeti.98/posts/10157317196242712