Të shumta kanë qenë pasojat e pandemisë te secili prej nesh. Madje, disa gra e vajza po vërejnë ndryshime edhe në ciklin e tyre dhe çrregullime të periodave. Arsyet pse ndodh kjo gjë? Mund të jenë të ndryshme, por një shkak kryesor është stresi, si ai fizik, edhe ai emocional.

Sipas Marie Claire, këto janë 3 arsyet pse mund të keni pasur çrregullime të ciklit këto kohë:

Stresi fizik

Stresi fizik mund të ndodhë për shkak të ushtrimit të tepruar ose thjesht stresit të kufizimeve, i cili ndikon shumë te ju, si fizikisht, ashtu edhe psikologjikisht.

Stresi emocional

Stresi i pandemisë së Covid-19 na ka prekur dhe vazhdon të na prekë të gjithëve emocionalisht, duke qenë se ende ka shumë të panjohura, pavarësisht se janë gjetur vaksinat.

Humbja e peshës

Humbja e një sasie të konsiderueshme të peshës, për një periudhë të shkurtër, zakonisht lidhet me stresin, nervozizmin dhe në disa raste edhe me anoreksinë.