Reporteri.net në rrjetet sociale

Sport

Nis meçi, ja me cilën këngë shqiptare futet në ring Haxhi Krasniqi

Publikuar

më:

Ka nisur meçi i boksit mes shqiptarit Haxhi Krasniqit dhe Bartlomiej Grafkas në Halle të Gjermanisë.

Krasniqi është futur në ring me këngën e Elvana Gjatës “Kuq e Zi”, raporton Express.

Pothuajse 10 muaj pas humbjes nga gjermani Arthur Abraham, boksieri kosovar, Haxhi Krasniqi, sonte zbret në ring për t’u ndeshur me polakun Bartlomiej Grafka.

Me këtë meç, Krasniqi do ta nisë rrugëtimin për përpjekjen e tretë për titullin kampion bote për peshat super të mesme.

Kjo do të jetë sfida e parë e Krasniqit që nga muaji prill i vitit të kaluar kur e pati pësuar humbjen e rëndë nga Arthur Abraham.

Bartlomiej Grafka i ka fituar 20 nga 50 meçet që i ka zhvilluar në karrierë, duke i humbur 27 sosh dhe duke barazuar në tre të tjerë.

Në anën tjetër, Krasniqi i ka 45 fitore dhe pesë humbje, gjë që e bën atë favorit, për çka ndihmohet edhe nga motivi ekstra i lartë për t’iu ofruar titullit.

 

Reporteri.net ne FB

Të gjitha materialet në këtë portal janë të mbrojtura me të drejta autoriale të Reporteri.net. © Copyright: 2017 Reporteri.net | Adresa: Sheshi "Nëna Terezë" – Kompleksi Avalla, Prishtinë. Email: [email protected]; [email protected]