Organizata Botërore e Shëndetësisë ka deklaruar se COVID-19 nuk paraqet më një “urgjencë globale shëndetësore”.

Deklarata përfaqëson një hap të madh drejt përfundimit të pandemisë dhe vjen tre vjet pasi OBSH-ja deklaroi për herë të parë nivelin e saj më të lartë alarmues mbi virusin.

Zyrtarët thanë se shkalla e vdekjes kishte rënë nga një kulm prej më shumë se 100,000 njerëz në javë në janar 2021 në pak më shumë se 3,500 më 24 prill, raportoi BBC.

Udhëheqësi i OBSH-së, Tedros Adhanom Ghebreyesus, tha se “të paktën 20 milionë” persona kanë vdekur.