×
  • Show Time
  • Show Time

    Aktorja e “Titanic” ishte zotuar se s’do të zhvishej më kurrë në film, por ka ndryshuar mendje

    Reporteri
    14 Prill 2021 | 10:02

    Kate Winslet disa vjet më parë deklaroi se ishte ende e përhumbur nga skena e saj nudo nga filmi “Titanic” dhe se ajo nuk do të zhvishej më para kamerës.


    Janë të paktë ata që nuk e kanë parë kurrë filmin kult “Titanic” nga viti 1997, dhe skena që është gdhendur më shumë në kujtesë është sigurisht ajo në të cilën aktorja Kate Winslet pozon e zhveshur në shtratin e Leonardo DiCaprio, i cili luan e Jack.

    Ajo skenë mbahet mend mirë nga Winslet, e cila më vonë u pendua që u zhvesh. “Unë nuk mendoj se përsëri do zhvishem ndonjëherë për një film. Unë nuk mund të shpëtoj nga ai rol dhe përgjithmonë do të më përndjek”, kishte deklaruar ajo në vitin 2009.

    “Më shpesh më bëjnë pyetje në lidhje me lakuriqësinë, sepse unë jam zhveshur në pothuajse çdo film që kam bërë deri më tani, por kjo ka qenë gjithmonë për një arsye,” theksoi ajo, për të shtuar se më nuk ndjehet rehat të zhvishet para kamerës.

    “Sinqerisht, unë e urrej çdo moment që jam lakuriq. Por as nuk mund ta imagjinoj se si do të ishte të bëja dashuri me dikë në një film e veshur plotësisht. Unë thjesht duhet të jem lakuriq për këtë”, e pranoi Winslet. Dhe për shkak të skenës së paharrueshme nga “Titanic”, adhuruesit shpesh i kërkojnë asaj të nënshkruajë fotot e saj nudo nga filmi. “Unë nuk nënshkruaj fotografi të tilla. Jam shumë e zënë ngushtë në situata të tilla”, tha ajo.

    “Ajo skenë është ende duke më ndjekur”, e pranoi ajo në atë kohë, por megjithatë u zhvesh përsëri në 2020. Në filmin biografik për paleontologun Mary Anning, “Ammonite”, i mishëruar nga Kate, ajo filmoi skena intime nudo me kolegun Saoirse Ronan, 27 vjeç. “Më kujtohet duke menduar në vete, këtu jam në 43 vjeçe dhe po xhiroj skena nudo. Unë isha aq e moshuar në kohën kur u bë filmi. Mendova se nuk do të isha mirë me të, por isha e befasuar nga mënyra se si u ndjeva. Unë u ndjeva mirë. E kuptova që jam më e moshuar dhe kam një trup ndryshe nga sa kisha kur isha 20 vjeç “, komentoi Winslet për skenën e saj të re nudo.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!