Azet publikon këngën e re “Remontada”

Reperi, Azet, ka prezantuar projektin më të ri muzikor.


Ai ka publikuar këngën e re në bashkëpunim me reperin francez, Sofiane Zermani, të cilën e kanë kompletuar edhe nga ana vizuale.

Ky është dueti i parë i reperit nga Podujeva që jeton dhe vepron në Gjermani me reperin francez dhe projekti për vetëm disa orë ka arritur të grumbullojë afro 900 mijë klikime.

Përveç YouTube, kënga u lansua edhe në platformat e tjera përfshirë Spotify, AppleMusic, Deezer etj.

Azet po ashtu javë më parë solli edhe një duet me këngëtaren Dhurata Dora i quajtur “Lass Los”, ndërsa u prit shumë mirë nga fansat e dy artistëve.

Ndonëse prej vitesh jeton në Gjermani, reperi është mjaft i pranishëm me koncerte edhe në trojet shqiptare.