Ilda Bejleri e ka pranuar një pyetje pak më ndryshe nga ndjekësi.
Moderatorja e njohur e sportit, Ilda Bejleri, në Instagram pranon shpesh pyetje të ndryshme.
Shumica lidhen me jetën private e edhe raportin e saj me disa prej futbollistëve të njohur, e gjithë kjo duke pasur parasysh profesionin që e ka Ilda.
E së fundmi dikush i ka bërë një pyetje krejtësisht tjetër. Një ndjekësi i interesonte ta dinte se kush po e financon atë pasi sipas tij me rrogë gazetarie nuk do të mund të blinte orë ‘Rolex’.
“Sqarim: fakti që jam gazetare dhe padyshim paguhem shumë mirë, nuk do të thotë që nuk kam të ardhura familjare, për më tepër që gjyshja ime vjen nga një familje e vjetër “tironce” shumë e njohur e me tradita. Ps. Hera e parë që shpjegoj kaq shumë”, ka thënë Ilda.