×
  • Show Time
  • Show Time

    Ermal Mamaqi: Mendoja se nuk ia vlente, por kaq kemi fituar deri më tani me “2 gisht mjaltë”

    Reporteri
    25 Maj 2019 | 11:03

    Ermal Mamaqi dhe Elvana Gjata erdhën në rolet kryesore në filmin “2 gisht mjaltë”.


    Ermal Mamaqi ka shënuar shumë sukses me komedinë “2 gisht mjaltë”.

    Ky film po vazhdon të shfaqet në kinematë e vendeve evropiane, ndërsa Mamaqi së fundi ka dhënë një intervistë për “Cineuropa”.

    Ai tregoi disa detaje lidhur me komedinë “2 gisht mjaltë”, e ndër të tjera edhe shifrën e fitimeve që ka marrë deri tani nga kinematë.

    “Filmi ka mbledhur më shumë se 1 milion euro në kinema dhe në muajin e parë shitëm 250 mijë bileta. Buxheti i filmit ishte gati 300 mijë euro. Gjysma e parave ishin të miat dhe gjysma e sponsorëve”, ka thënë ai.

    Ermali shtoi se në fillim kishte frikë rreth asaj se sa do të mund t’i rikthente paratë që shpenzoi në realizimin e filmit.

    “Në fillim kisha frikë nëse do mund t’i merrja sërish paratë apo do humbja. Por ky është biznesi. Nëse di si të luash, është lojë e mirë. Nëse nuk di, është si kumar”, shtoi ai.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!