Vokalisti i grupit “Maneskin”, Damiano David, hodhi poshtë të gjitha akuzat që qarkulluan në internet se ai mori kokainë gjatë shfaqjes të shtunën në mbrëmje.

Frontmeni i bendit nga Italia, i cili fitoi Eurovisionin këtë vit, mohoi të ketë ndodhur një gjë e tillë përkundër se videoja u bë virale gjithandej.

Megjithatë, është njoftuar se anëtarët e grupit do t’i nënshtrohen një testi të drogës.

Kur u pyet në një konferencë për shtyp se çfarë po bënte, David tha se ishte përkulur sepse kitaristi i tij, Thomas Raggi, kishte thyer një gotë.

“Unë nuk përdor drogë, mos e thoni me të vërtetë, jo kokainë”, shtoi ai.

Bëhet virale videoja e anëtarit të grupit fitues të Eurovision ku thuhet se po merrte drogë gjatë shfaqjes – demantohet nga “Maneskin”

Të njëjtit deklaruan se në Itali do të testohen për drogë vullnetarisht për të shuar kureshtjen e të gjithëve.

Këtë vit u shënua fitorja e tretë e Italisë që kur filloi konkursi në vitin 1956. Fitorja e parë ishte në 1964, nga Gigliola Cinquett dhe e dyta në 1990 me Toto Cutugno.

Italia ka arritur të grumbulloj gjithsej 524, vendin e dytë e ka zënë Franca me 499 dhe në vend të tretë Zvicra me 432 pikë.

https://youtu.be/wRLN34s2l7Y