Përlotet Adelina Tahiri, kishte lidhje me 20-vjeçaren që vdiq nga shpërthimi në spitalin e Tetovës

Ngjarja tragjike në qytetin e Tetovës ka tronditur të gjithë.


E revoltuar dhe njëkohësisht e tmerruar nga gjithë kjo ngjarje është edhe këngëtarja nga Shkupi, Adelina Tahiri, shkruan Gazeta Online “Reporteri.net“.

Reklamë

Ajo tregoi se e afërmja e një prej punonjësve të saj kishte humbur jetën në spitalin e Tetovës.

“Sot në mëngjes më erdhi në shtëpi me lot në sy, sepse vajza e tezes së saj kishte qenë aty brenda dhe kishte ndërruar jetë. Familja e saj kishte tentuar ta shpëtonte, por nuk kishte mundur të mbijetonte për shkak të tymit. Ishte vetëm 20 vjeçare. Sinqerisht jam e tmerruar!”, tha me lot në sy Tahiri./Reporteri.net/