Pop ylli i muzikës botërore, Rita Ora tashmë ka dy ditë që është në Kosovë për një vizitë humanitare në bashkëpunim me UNICEF-in.
Ajo sot ka dalur para mediave dhe ka shfrytëzuar rastin të flas më shumë rreth vizitës së saj në Kosovë, shkruan Reporteri.net
Rita ka thënë se po e shfrytëzon këtë vizitë që të mësoj më shume rreth rinisë kosovare dhe po mundohet ta kuptoj gjendjen e tyre, në mënyrë që t’i ndihmoj ata.
Ajo poashtu nuk e ka fshehur faktin se sa krenare është që vjen nga Kosova.
“Ky ishte një udhëtim shumë i mirë për mua në Kosovë dhe jam krenare që vij nga ky vend. Mezi pres të vazhdoj ta përfaqësoj rininë e shtetit tonë”, ka thënë Rita Ora.
Kujtojmë që Rita po viziton Kosovën në një mision humanitar në bashkëpunim me UNICEF-in dhe me kompaninë Escada, ku për çdo shitje të një çante të kësaj firme, shuma e mbledhur do t’i dedikohet grave të dhunuara nga lufta dhe fëmijëve të varfër./Reporteri.net/