Ronald Romero, rokeri nga Kili, është ndarë i ngazëllyer nga paraqitja në Hardhfest, pasi mbrëmë ai tuboi mijëra njerëz në vreshat e Rahovecit.
Për këtë, ai ka shkruajtur në faqen e tij duke u ekzaltuar aq sa të thotë se një pjesë e shpirtit të tij do të ngelet gjithmonë në Rahovec, shkruan Reporteri.net.
Këtë gjë ai e tha, duke e lidhur me mbjelljen e një hardhie të rrushit, për të cilën simbolikë ai u bë i pari artist.
“Dje mbolla një pemë të vogël rrushi, e nderuar si artisti i parë në historinë e Hardh Fest duke filluar këtë traditë të re. Tani një pjesë e vogël e shpirtit tim do të jetë gjithmonë në Rahovec”, ka shkruar ai.
Ndërkaq, ai ka potencuar edhe numrin e madh të pjesëmarrësve, duke thënë se pati një shpërthim në Rahovec.
“Shumë faleminderit të gjithëve për një mbrëmje të mrekullueshme, patëm një shpërthim !! Siç mund ta kontrolloni në fotografinë e dytë !! Publiku më i madh ndonjëherë këtu, Faleminderit!”, shtoi Romero.
Ndërkohë, Hardhfest do të vazhdojë edhe sonte në vreshtat e Rahovecit, ku para publikut do të paraqitet edhe një befasi – Grupi TNT.
Ndryshe, Ronald Romero, i lindur më 20 nëntor 1981, është një këngëtar, tekstshkrues dhe muzikant kilian, i njohur më mirë si këngëtari kryesor i grupeve të rock-ut Lords of Black, Rainboë dhe CoreLeoni./Reporteri.net