Një person ka humbur jetën gjatë një aksidenti të ndodhur mbrëmjen e sotme në autostradën Vlorë- Fier.

Aksidenti ka ndodhur rreth orës 19:25 në zonën e njohur si Kripa, ku automjeti ka humbur kontrollin dhe ka dalë nga rruga.

Viktima bëhet e ditur se është një 25-vjeçare, e identifikuar me inicialet Anxhela Çapo, ndërsa e plagosur ka mbetur Silvana Muho, 22-vjeçe.

Forcat e policisë ndodhen në vendngjarje dhe po punojnë për zbardhjen e plotë të rrethanave të aksidentit.

“Më datë 26.01.2021, rreth orës 19:25, në autostradën Vlorë- Fier, mjeti me drejtuese shtetasen A.Ç., dhe pasagjere shtetasen S. M., 22 vjeçe, ka humbur kontrollin dhe ka dalë nga rruga. Si pasojë e daljes nga rruga ka ndërruar jetë në vendngjarje drejtuesja e mjetit shtetasja A. Ç., dhe është dërguar në spitalin e Vlorës, në gjëndje të rëndë shëndetësore pasagjerja e mjetit shtetasja S.M. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”, deklaron policia e Vlorës.