Ministri i Jashtëm shqiptar, Gent Cakaj pati sot një vizitë të veçantë në zyrën e tij.
Atë e vizituan familjarët e dy dëshmorëve kosovarë, Bahri e Fahri Fazliut.
Me anë të një postimi në Facebook, Cakaj u shpreh i nderuar me këtë vizitë, teksa tha se u ndje i frymëzuar nga biseda që pati me ta për politikën e jashtme të Shqipërisë dhe zhvillimet politike në Kosovë.
Postimi i plotë:
Shumë i nderuar nga vizita e familjes Fazliu në zyrën time në Tiranë, familjes së madhe të dy dëshmorëve të Kombit, Bahri e Fahri Fazliu dhe tepër i frymëzuar nga biseda përmbajtësore për historinë kombëtare, politikën e jashtme të Shqipërisë dhe zhvillimet e fundit politike në Kosovë.