×
  • Lajme
  • Shqipëria

    Covid paralizon spitalin në Mat, 3 mjekë pozitivë

    Reporteri
    26 Tetor 2020 | 18:47

    Rritet fluksi i personave që preken nga Covid-19 në bashkitë Mat e Klos, duke paralizuar edhe institucionin e spitalit bashkiak Mat, apo zyra të Bashkisë Klos.


    Burime të sigurta informacioni pranë NJVKSH Mat flasin për të paktën tre mjekë të spitalit bashkiak Mat që kanë rezultuar pozitiv për Covid-19 dhe 4 personel bluzash të bardha që janë të karantinuar.

    Kjo ka bërë që të paralizohen të paktën tre reparte të shërbimit parësor shëndetësor në këtë spital, ai i Kirugjisë, i ORL-së dhe i Pediatrisë.

    Shifra aktuale e qytetarëve të prekurve nga koronavirusi në bashkinë Mat ka shkuar në 11.

    Por edhe në bashkinë Klos janë 9 persona pozitivë për sëmundjen e shkaktuar nga Sars/Cov-2.

    Madje në këtë Bashki, virusi korona ka prekur edhe punonjës të aparatit bashkiak, duke paralizuar deri diku sektorë të veçantë të saj.

    Informacionet e siguruara nga burime për Ora News flasin për një situatë të rënduar në bashkinë Mat e Klos nga përhapja e Covid-19, ndërsa publiku kërkon një transparencë më të plotë nga institucionet përgjegjëse.

    Nga ana tjetër, zbatimi i masave të parashikuara nga protokolli i sigurisë anti-Covid kërkohet të vihet në jetë nga të gjithë qytetarët për ndalur përhapjen e kësaj sëmundjeje misterioze.

    Kryesorja qytetarët që rezultojnë me shenja të Covid-19 duhet të telefonojnë menjëherë në numrin e urgjencës kombëtare 127 ose mjekun e familjes dhe të vetëkarantinohen deri në marrjen e tamponit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!