27-vjeçari shqiptar, Marios Matai u qëllua për vdekje me armë zjarri në Patra të Greqisë mbrëmjen e kaluar.

Sipas mediave të vendit fqinj, i riu ka marrë një plumb në kokë. Ai njihet në rrjetin e rinjve, pasi kishte punuar për një kohë të gjatë në fushën e hotelerisë.

I riu shqiptar u raportua i vdekur klinikisht, por vetëm në mesnatë autoritetet shëndetësore konfirmuan humbjen e tij nga jeta.

Sipas mediave greke, në lidhje me këtë ngjarja është arrestuar një person, ndërsa në kërkim vazhdon të jetë autori.

I arrestuari është me origjinë shqiptare, që sipas dëshmitarëve ka nxitur autorin e vrasjes të qëllojë mbi një grup njerëzish, përfshirë edhe të riun shqiptar.