Familja tërheq trupin e Admir Murataj, ja ku do i jepet lamtumira e fundit tropojanit

Familjarët do t’i japin lamtumirën Admir Muratajt nesër në orën 12.00 në vendlindjen e tij, Tropojë.


Mësohet se sot ata morën trupin e pajetë në morgun e Tiranës, aty ku ju nënshtrua një ekspertize mjeko-ligjore. Vëllai i tij Cen Murataj, ishte bashkë me familjarë të tjerë, teksa tërhoqën trupin e të afërmit të tyre.

Admir Murataj u vra dy ditë më parë, pas një grabitje brenda në aeroportin e Rinasit, në barkun e avionit ku po futeshin thasët me para të 4 bankave të nivelit të dytë në Shqipëri për tu transportuar drejt Vjenës.

Furgoni i grabitësve, që mendohet të kenë qenë katër veta, u ndoq nga policia pas grabitjes, ku pati shkëmbim nga të dyja palët duke lënë të vrarë Admir Muratajn.