×
  • Lajme
  • Shqipëria

    Fshehu paratë në kufi, procedohet 55-vjeçari në Rinas

    Reporteri
    25 Qershor 2019 | 22:05

    Një 55-vjeçar u procedua nga policia, pasi nuk deklaroi 23 250 euro që mbante me vete.


    Policia Kufitare njofton se ka proceduar penalisht shtetasin në fjalë, pasi nuk ka deklaruar të hollat që mbante me vetë në Rinas.

    Njoftimi i policisë:

    Rinas

    Goditet një tjetër rast i mosdeklarimit të të hollave në kufi

    Policia Kufitare procedon penalisht një 55 vjeçar. Sekuestrohen 23.250 euro
    Në zbatim të detyrave të përcaktuara në Planin e masave për forcimin e kontrollit me qëllim parandalimin, evidentimin dhe goditjen e paligjshmërisë, rreth orës 16.00 është evidentuar dhe goditur një tjetër rast i transfertave të parave në mënyrë të paligjshme jashtë vendit.

    Gjatë kontrollit në vijën e dytë të shtetasit H.LL, 55 vjeç, i cili do të udhëtonte për jashtë vendit, shërbimet e Policisë Kufitare i gjetën këtij shtetasi të fshehura në trup 23.250 euro të padeklaruara në doganën e Rinasit, të cilat u sekuestruan në cilësinë e provës materiale.

    Në përfundim të veprimeve, materialet do ti kalojnë për veprime të mëtejshme Prokurorisë për veprën penale “Mosdeklarimi në kufi i të hollave dhe i sendeve me vlerë”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!