Gazetari Julian Kasapi ka publikuar në emisionin “Opinion” një mesazh të shkëmbyer mes tij dhe Emanuela Dacit e cila ndodhet në kampin Al Hawl.

Emanuela, bashkëshortja e Almir Dacit i vrarë në Siri, Nnë komunikimin me gazetarin shprehet se nuk quhet Emanuela dhe se është robëreshë e Allahut.

Ndër të tjera Julian Kasapi, i cili një vit më parë pati një udhëtim brenda kampit, tregoi se në Al Hawl janë edhe 6 fëmijë të tjerë jetimë.

Ndërkohë lidhur me rastin e Eva Dumanit, gazetari i A2 Cnn, tha se ajo ishte e frikësuar.

“Eva është mjaft e frikësuar, është e frikësuar nga ushtarët kurdë. Eva Dumani ishte vajza që më ka dalë mua dhe më ka çuar tek shqiptarët. Gjithë shqiptarët janë të frikësuar nga ushtarët kurdë”, u shpreh Kasapi.