×
  • Lajme
  • Shqipëria

    Gjyqtarja Margjeka kundërshton masën e sigurisë, kërkon seancë publike

    Reporteri
    01 Tetor 2020 | 10:21

    Gjyqtarja e Apelit të Korçës, Mimoza Margjeka, kundërshton masën e sigurisë, arrest shtëpie, në Gjykatën ne Posaçme të Apelit, pasi sipas saj nuk ka asnjë provë dhe kërkon që seanca të zhvillohet me dyer të hapura.


    Para nisjes së seancës në Gjykatën e Posaçme të Apelit, gjyqtarja Margjeka këmbënguli para gazetarëve që ishte e pafajshme. Sipas saj ajo është sulmuar politikisht, pasi nuk ka dhënë mandatin e kryebashkiakes së Durrësit në zgjedhjet e 30 qershorit.

    “Do të kërkoj shfuqzimin e masës së sigurisë, nuk ka asnjë provë. Korrupsioni për 6 mijë euro, janë fjalë propagandistike të përgatitura me qëllim.

    Nuk i kam dhënë mandatin një bashkie se është nul. Mendova se do ta bënin dhe gjyqtarë të tjerë”.

    Gjyqtarja e Apelit të Korçës kërkoi që seanca ndaj saj të zhvillohej në prezencë të gazetarëve.

    “Nuk dua dyer të mbyllura, dua të jetë publike, të nxirret një foni dhe të dëgjohet”.

    Gjyqtarja e Apelit të Korçës, Mimoza Margjeka, akuzohet se ka marrë një shumë prej 6 mijë eurosh për të nxjerrë nga burgu një person, i cili akuzohet për trafik klandestinësh.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!