Grabitja në Rinas, Berisha: U vodhën nga bandat e partisë për fushatë

Ish-kryeministri Sali Berisha ka komentuar grabitjen e sotme në Aeroportin e Rinasit.

Në një status në Facebook, Berisha shkruan se “bandat e partisë grabisin për së dyti miliona euro në pistën e avionëve të aeroportit më të pasigurtë në botë, pra të Rinasit.

Sipas tij, në momentin e marrjes së parave nga grabitësit, rojet e aeroportit nuk kanë reaguar.

“Grabitësit e armatosur morën të gjitha arkat nga mikrobuzi i blinduar që do ngarkoheshin në avion. Rojet e armatosura private që shoqëronin mikrobusin me arka me para dhe rojet e aeroportit bënë sehir”, shkruan Berisha.

Dhe këto para sipas tij, do të përdoren për fushatë elektorale.