Ka përfunduar procesi i numërimit të votave të deputetëve shqiptarë për shkarkimin e presidentit Ilir Meta.
Kuvendi ka votuar me shumicë shkarkimin e presidentit Meta, duke i hapur rrugë procesit në Gjykatën Kushtetuese që do e zgjidhë përfundimisht fatin e kreut të shtetit, shkruan Reporteri.net
Në votim kanë marrë pjesë 115 deputetë, pasi nga 122 deputetë kanë munguar shtatë prej tyre, ku prej tyre 105 votuan pro, 7 kundër dhe 3 abstenuan.
Pak më herët me 104 vota pro, 7 kundër, 2 abstenim dhe 1 fletë votimi që ishte e pavlefshme, Parlamenti miratoi raportin përfundimtar të Komisionit Hetimor.
Në fjalën e tij gjatë prezantimit të gjetjeve të hetimit, kreu i këtij Komisioni, Alket Hyseni tha se presidenti me veprimtarinë e tij ka kryer disa shkelje të rënda të kushtetuese, duke cenuar rëndë parimin e ushtrimit të sovranitetit nga ana e popullit dhe është sjellë arbitrarisht me pushtetin.
Vendimi i Kuvendit tani duhet të shkojë për shqyrtim edhe në Gjykatën Kushtetuese, ku kërkohen minimalisht 5 vota që ai të miratohet dhe që përfundimisht Ilir Meta të largohet nga detyra e kreut të shtetit. /Reporteri.net