Monika: Me Ilir Metën në shtëpi s’bëj politikë, por…

Kryetarja e Lëvizjes Socialiste për Integrim, Monika Kryemadhi ka pohuar se partinë e drejton ajo dhe presidenti Ilir Meta që është bashkëshorti i saj nuk mund të ndërhyjë.

“Nuk e komentoj fare presidentin. Opozita është në pozicionin e saj. A kam folur me të për krizën? Zoti Fevziu ju i keni më shumë shanset për të folur me të për krizën. Për politikë komunikimi është zero, si bashkëshortë flas për fëmijët. Si kryetare e LSI-së asnjëherë. Sot LSI ndihet më e shëndetshme e më përpara. Unë nuk bëj politikë me Ilir Metën, bëj dashuri. Sot jam unë kryetarja e LSI, i marr unë vendimet”, ka deklaruar Kryemadhi në Klan. /Reporteri.net/.