Ndahet nga jeta drejtuesi i lartë shqiptar i policisë, kishte 38 vite në shërbim

Këtë të martë i është dhënë lamtumira e fundit njëri prej drejtuesve të lartë të policisë së shtetit, i cili pësoi një atak kardiak.


Fred Agastra, 58 vjeçar, humbi jetën pas një shërbimi prej thuajse 40 vitesh në policinë e shtetit.

“Homazhe për nder të drejtuesit të lartë të Policisë, Fredi Agastra, i cili për 37 vite shërbeu në radhët e Policisë së Shtetit me përkushtim, ndershmëri e sakrificë.

Ai u nda nga jeta para kohe, pas një arresti kardiak, në moshën 58 – vjeçare.

Drejtues i Parë Fredi Agastra ishte simbol i urtësisë, mençurisë dhe profesionalizmit.

I përjetshëm qoftë kujtimi yt, miku, shoku e kolegu ynë!”, shkruhet në postimin e Policisë së Shtetit.