Zbardhen detaje nga ngjarja e ndodhur në Tiranë, ku u raportua për plagosje me armë zjarri me dy persona të plagosur.
Në një deklaratë për mediat ka folur kreu i policisë së Tiranës Rebani Jaupi, i cili ka treguar dinamikën e ngjarjes.
Një qyetar ka kundërshtuar me armë një efektiv të policisë, i cili i ka kërkuar lejen e daljes. “Ai ka nxjerrë armën dhe e ka kërcënuar, me fjalët do të qëlloj”- tha Jaupi.
Sipas tij, pas kësaj, qytetari ende i paidentifikuar, që thuhet se është me rrezikshmëri të lartë, ia ka mbathur me vrap.
Polici, efektiv i Shqiponjave, e ka qëlluar me armë në pjesën e këmbës.
“Në rrugë ka qenë dhe një kalimtare, e cila ka marrë një plumb po në pjesën e këmbës. Të dy janë dërguar në spital”, theksoi drejtori Jaupi për mediat në Shqipëri.
Gjithnjë sipas mediave atje, policia i kishte kërkuar qytetarit të ndalojë dhe të tregojë nëse kishte leje për lëvizje në qytet, por ai nuk i është bindur urdhrave të policisë, dhe ka futur dorën në një çantë, ku dyshohej se mbante një armë. /Reporteri.net