×
  • Lajme
  • Shqipëria

    Në plazhet e Durrësit mungojnë kullat e vrojtimit dhe rojet bregdetare

    Reporteri
    12 Qershor 2019 | 18:04

    Në plazhet e Durrësit pushuesit janë të shqetësuar për sigurinë në det.


    Dhe pse sezoni ka nisur, kullat e vrojtimit nuk janë në funksion, gjithashtu mungojnë rojet bregdetare

    “Në plazhin e Durrësit u shënua viktima e parë për këtë sezon veror. Një pushues, banor i zonës u mbyt teksa po lahej në det. Kjo ngjarje solli në vëmendje mungesën e sigurisë në bregdet”.

    Katër kilometra vije bregdetare dhe në plazhin më të populluar në vend nuk ka siguri. Kullat e vrojtimit një detyrim ligjor nuk janë vendosur, transmeton abcnews.al.

    As rojet bregdetare. Sezoni turistik ka nisur dhe pushuesit janë të shqetësuar. Në këtë bregdet mungojnë edhe tabelat informuese apo sinkalistika mbi zonat ku duhet të notojmë apo edhe e kundërta.

    Siguria në plazhe për shume vite është një problem serioz. Ngjarjet e rënda nuk kanë munguar. Sezonin e kaluar në plazhet e Durrësit tetë pushues humbën jetën dhe shumë të tjerë rrezikuan. Por pavarësish statistikave, për vendorët nuk kane qenë mjaftueshëm për të marrë masat.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!