Një automjet është gjetur i djegur pak minuta pas vrasjes së 41-vjeçarit, Everest Çaka, në Elbasan.
Mësohet se makina është gjetur duke u djegur në Kavajë. Bëhet fjalë për një automjet tip “Benz” që dyshohet të jetë përdorur nga autorët e krimit.
“Në fshatin Kryemëdhenj, Golem, është gjetur i djegur plotësisht një mjet tip “Benz”, pa targa, i cili dyshohet se i perket autorëve të ngjarjes” bëjnë me dije burime nga policia.
Ngjarja e rëndë që tronditi Elbasanin u regjistruar mbrëmjen e sotme në lagjen “Skënderbej”.
Everest Çaka u ekzekutua me armë zjarri në mjetin e tij “tip” Opel ndërsa mbeti e plagosur në dorë bashkëshortja e tij.
Policia ka ngritur pika konrolli në hyrje-daljet në qytetin e Elbasanit dhe vijon kontrolli i zones dhe grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.