Ministri i Brendshëm Sandër Lleshaj dhe Drejtori i Policisë së Shtetit kanë shkuar në Shkodër pak orë pas krimit të rëndë që i mori jetën dy vëllezërve Bilali.
Mësohet se ata po mbajnë një takim kokë më kokë me drejtorin e policisë së qarkut të Shkodrës, Vehbi Bushati.
Dy vëllezërit u ekzekutuan mëngjesin e sotëm, 30 mars 2019, në oborrin e shtëpisë së tyre dhe dyshohet se autorët kanë qenë të maskuar dhe lëviznin me një automjet tip Benz që u gjet i djegur disa metra larg vendit të ngjarjes, ne zonën e Livadheve.
Në shtëpinë ku ka ndodhur krimi ka patur kamera të instaluara që mendohet se kanë filmuar ngjarjen.