Po udhëtonin me motor, çifti në Lezhë përplaset nga një makinë

Dy persona, burrë dhe grua janë aksidentuar në Lezhë, pasi motori me të cilin po udhëtonin është përplasur nga një makinë.


Aksidenti ka ndodhur rreth orës 15:45 minuta në kryqëzimin e Gjadrit. Report Tv siguron pamjet nga vendi i ngjarjes ku ka ndodhur aksidenti, ndërsa ambulanca ka transportuar në spital në gjendje të rëndë për jetën çiftin që mbeti i plagosur, raporton shqiptarja.com.

Policia ndodhet në vendin e ngjarjes duke nisur hetimet, ndërsa është marrë në pyetje drejtuesi i makinës që përplasi motorin. Në Shqipëri regjistrohen thuajse cdo ditë aksidente me pasoja dhe bilanci është i frikshëm.