×
  • Lajme
  • Shqipëria

    Polici përleshet me grabitësit gjatë vjedhjes së një dyqani në Fier

    Reporteri
    17 Janar 2021 | 9:27

    Grabitja e një dyqani është shmangur në orët e mëngjesit në qytetin e Fierit, pasi autorët janë pikasur rastësisht nga një efektiv policie që kaloi aty pranë.


    Rreth orës 06:00 tre persona të paidentifikuar tentuan të vidhnin dyqanin e celularëve në pronësi të shtetasit R.C.

    Gjatë vjedhjes ata u pikasën nga punonjësi i policisë i cili po shkonte për të marrë shërbimin në zonën policore. Efektivi ndërhyri për të parandaluar vjedhjen duke u përplasur fizikisht me grabitësit, të cilët gjatë largimit kanë goditur me automjetin e tyre mjetin privat të punonjësit të policisë.

    Ndërkohë, janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!